Plantun de Prouvènço

Pèr coumpara dos planto d'encò nostre

Carex praecox & Tripolium pannonicum

Queirello(-proumierenco)

Carex praecox

Cyperaceae

Àutri noum : Moutouso, Sagneto.

Noms en français : Laîche précoce, Laîche de Schreber.

Descripcioun :
Aquesto queirello, proun raro, trachis dins li pelouso sablouso un pau umido, souvènt proche d'aigo. Es uno planto primo souvènti fes torso que fai un rizoumo di proun ramifica. Se recounèis à si pichòtis espigueto que caupon de flour masclo à la baso e femello emé dous estigmate en aut. Lis escaumo soun brunello amé de uno costo pu claro e acabado pèr uno arèsto. Avisas-vous que i'ague un pichot mameloun au bout dis antèro que dèvon faire mens de 2 mm. Coumpara emé la queirello-divisado que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 1 à 2,5 cm
Flourido : Printèms

Sòu : Ca
Autour basso e auto : 0 à 1000 m
Aparado : Vo
Abriéu à jun

Liò : Tepiero sablouso - Ribo d'aigo
Estànci : Mesoumediterran
Couroulougi : Érousiberiano-Sud
Ref. sc. : Carex praecox Schreb., 1771

Cabridello(-de-mar)

Tripolium pannonicum

Asteraceae Compositae

Nom en français : Aster maritime.

Descripcioun :
Planto poupouso di bèlli flour coumpausado vióuleto e jauno que trachis en ribo de mar e li relarg sala que flouris à la fin de l'estiéu. Li fueio soun simplo, long de la cambo. La subsp. de Prouvènço ié dison pannonicum.

Usanço :
Li jòuini fueio soun manjadisso, de cop que i'a counservado dins lou vinaigre. Lou goust es agradiéu.

Port : Erbo
Taio : 20 à 100 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Tripolium
Famiho : Asteraceae
Famiho classico : Compositae

Coulour de la flour : Jauno Vióuleto
Petalo : >6
Ø (o loungour) enflourejado : 2 cm
Flourido : Estiéu - Autouno

Sòu : NaCl
Autour basso e auto : Pancaro entresigna
Aparado : Noun

Liò : Mar - Palun - Sablo
Estànci : Termoumediterran à Mesoumediterran
Couroulougi : Éurasiatico
Ref. sc. : Tripolium pannonicum (Jacq.) Dobrocz., 1962 (= Aster tripolium L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex praecox & Tripolium pannonicum

ges

Coumpara Queirello(-proumierenco) emé uno autro planto

Coumpara Cabridello(-de-mar) emé uno autro planto